Poem by Jinsa Mariyam

🧖🏻‍♀️ നിദ്ര🧖🏻‍♀️

 

പതിയെ നിലാവെന്റെ മിഴികളിൽ തലോടി

നിദ്രയിലേക്കെന്നെ കൊണ്ടുപോയി

അവിടെ ഞാൻ കണ്ട കിനാവെല്ലാം എന്നെ

വിസ്മയപൂരിതമാക്കി

ഒരു കുഞ്ഞു പൂമ്പാറ്റയെപ്പോലെ ഞാൻ

അവിടമാകെ പാറിപ്പറന്നു

പല വർണ്ണം നിറഞ്ഞ എൻ ചിറകുകൾ വീശി

അവിടമാകെ ചുറ്റിപ്പറന്നു

മലരുകൾ പുഞ്ചിരിച്ചു

എന്നെ സൽക്കരിച്ചു

അതിഥിയായ് മധു നൽകി സ്വീകരിച്ചു

താളം പിടിക്കുന്നതെന്നലിൻ ഈണത്തിൽ 

ചുവടുകൾ വച്ചു ഞാൻ ആസ്വദിച്ചു

കളകളനാദം പൊഴിക്കുന്ന ചോലകളിൽ

ഞാനും ആകെ ലയിച്ചു പോയി അറിയാതെ

ഞാനും ആകെ ലയിച്ചു പോയി

പ്രകൃതിയിൽ സൗന്ദര്യം ആസ്വദിക്കുമ്പോഴെൻ

മിഴികളിൽ രശ്മികൾ പതിയുന്നു

അറിയാതെ ഞാൻ എന്റെ നിദ്രയിൽ നിന്നുണരുന്നു

കിനാവിന്റെ പടിവാതിൽ ചാരാതെ

കിനാവിന്റെ പടിവാതിൽ ചാരാതെ

ജിൻസാ മറിയം ഷാജി